كيف نحتفظ بالورق العنب الطازج بـ 4 خطوات

موسم الورق العنب بلش وما بدنا نتأخر حتى نمونه، كل ما كان أبكر بيكون أحسن، الورقة بتكون طرية وحامضة ولونها أخضر فاتح.

في كتير طرق حتى نحتفظ بالورق العنب وهي وحدة من الطرق يلي دائماً بحب ذكركن فيها، أنا شخصياً معتمدتها من زمان وبلاقيها كتير سهلة وعملية ووقت ما بدي استخدمها ، بتكون سهلة باللف وبتحتفظ بطعمتها وقوامها.

أولاً: لازم نجهز الورق ونشيل العرق الأخضر ونرتب الورقات كل ورقة بحجمها ، الكبير مع الكبير والوسط مع الوسط والصغير مع الورقات الصغيرة ، خطوة كتير مهمة وبتساعدكن بعدين وقت اللف ، منترك الورقات الكبار لطبخة الورق عنب بزيت والصغار لطبخة ورق عنب باللحمة والوسط بيضلهن ضايعين بين الاكلتين.

ثانياً: نسخن ماء مملح ( لكل ليتر من الماء ملعقة طعام ملح ) ونضع الورق العنب بجاط كبير ونضيف الماء الساخن فوقه حتى نتخلص من كل الغبار والأتربة وكل انواع الحشرات والمواد الغير مرغوب فيها ، نضع صحن كبير فوق الورق العنب حتى ما يفوشوا الورقات لفوق مستوى الماء ونترك الوعاء جانباً حتى يبرد تماماً.

ثالثاً: نضع الورق بمصفاة حتى نتخلص من كل الماء الزائدة

رابعاً: نلف كل كم ورقة على شكل روول ونضع الرولات بأكياس مخصصة للفريزر ، طريقة لفها على شكل روول مهمة جداً ، اولاً للحفاظ على شكل الورقة وعدم تكسر اطرافها الخارجية وثانياً بالتخزين اسهل وبتاخد مساحة أقل

عند الاستخدام ، منطلع ادي نحنا بحاجة ورح تفك معكن بسهولة، ما بتاخد غير كم دقيقة وبتكون جاهزة للاستخدام.

المصدر: manal.massoud